Жуырда, Қазалы аудандық спорт мектебінің бокс үйірмесінің тәрбиеленуші қыздары республикалық «Алтын қолғап» жарысына қатысып қайтты. Тараз қаласында өткен додаға еліміздің түкпір-түкпірінен 10 команда қатысып, 14 салмақ дәрежесінде бақ сынады.

Әр облыстың намысын қорғап келген гүрзі жұдырықты арулардың ішінен 80 келі салмақ бойынша қазалылық Гүлсая Ержан қарсыластарын шақ келтірмей алтын алқаны кеудесіне тақты. Ал 50 келілік салмақ бойынша Бурхан Қуаныш күміспен күптелді. Болашағынан үлкен үміт күттіретін жас саңлақтарды жарысқа Қазақстан Республикасына еңбек сіңірген жаттықтырушы Бақытбек Құлбаев дайындаған.

Алдағы уақытта да жас спортшы мен белгілі жаттықтырушының алар асулары көп болғай дейміз.