Жәнібек Әлімханұлы әлемнің экс-чемпионын техникалық нокаутпен жеңді
Қазақстандық кәсіпқой боксшы Жәнібек Әлімханұлы әлемнің экс-чемпионы 30 жастағы Роб Брантты жеңді. Жекпе-жек Лас-Вегаста Ломаченко-Накатани кездесуінің андеркартында өтті.Он раундқа жоспарланған жекпе-жектің алтыншы раундында Жәнібек америкалық боксшыға ауыр соққысын тигізіп, оны нокдаунға жіберді. Ал, сегізінші раундтан кейін Роб Брант бапкерлері жекпе-жекті жалғастырудан бас тартты.
Орта салмақта өнер көрсететін Әлімханұлы үшін бұл кәсіпқой бокстағы оныншы жекпе-жегі, оның бәрінде жерлесіміз жеңіске жеткен, алтауы нокаутпен. Брант болса үш рет жеңіліп, 26 рет жеңіске жеткен.
Айта кетейік, қазақстандық өзге боксшвы Геннадий Головкин де осы салмақта өнер көрсетеді.
