Үстел теннисінен Қазақстан чемпионатында А.Құрманғалиев рекорд жаңалады
Кирилл Герасименконың рекордын қарағандылық жасөспірім жаңартты. Кеншілер қаласында үстел теннисінен ел чемпионаты аяқталды. Нәтижесінде ерлер арасында 14 жастағы Алан Құрманғалиев топ жарды. Сәйкесінше ол еліміздегі ең жас чемпион атанды. Бұған дейін бұл көрсеткіш ұлттық құраманың үздігі Кирилл Герасименкоға тиесілі еді. Ол 2012 жылы 15 жасында ішкі бірінішілікте барлығынан басым түсті. Дәл осындай жағдай қыздар арасында да қайталанды.
Жекелей сында шымкенттік Сарвиноз Миркадирова жеңімпаз болды. Ол қазір небәрі 15 жаста. Үздік үштікті Нұр-Сұлтан мен Орал қалаларының спортшылары түйіндеді. Айта кетейік, Қазақстан чемпионаты нәтижесінде ұлттық құрама жасақталып, алдағы халықаралық жарыстарға кешенді дайындықты бастайды.
