18 мың жанкүйердің көзінше: "Қайрат" адам сенгісіз камбэк жасады (видео)
Алматылық «Қайрат» 18 шілде кешкі уақытта Еуропа Лигасының бірінші іріктеу кезеңінде өз алаңында босниялық «Широки Бриегпен» жауапты матч өткізді, деп хабарлайды Stan.kz ақпарат агенттігі.
Бірінші тайм 0:0 есебімен аяқталды. Екінші таймның соңында алматылықтар гол жіберіп алып, кейін өздері де есесін қайтарды.
90-шы минутта «Қайраттың» хорватиялық қорғаушысы Дино Миканович ереже бұзды. Ал оның отандасы Дражен Багарич пенальти соғып, «Широки Бриегті» жеңіске бір қадам жақындатты. Алайда осыдан кейін «Қайрат» адам айтса нанғысыз камбэк жасады.
92-ші минутта ойыншыны сәтті алмастырған 21 жастағы жартылай қорғаушы Рамазан Оразов гол соқса, 93-ші минутта хавбек Исламбек Қуат ерекше көзге түсті.
«Қайраттың» Instagram желісіндегі парақшасында ойынды көру үшін Алматы стадионына 18 мың жанкүйердің келгені туралы жазылған.
