Дәстүрлі Жолдауды «ҚР Президенті жанындағы Мемлекеттік басқару академиясы» республикалық мемлекеттік қазыналық кәсіпорнының облыстық филиал қызметкерлері де талқылады. Тарих ғылымдарының кандидаты Гүлнар Оспанова жүргізген шарада құжаттың негізгі бағыттарына басымдық берілді. Елбасы айқындаған 10 негізгі міндет ел экономикасының дамуына жасалған нақты жоспар екені, жаппай цифрландыру мүлде жаңа саланың пайда болуына әкелетіні айтылды.

– Жолдауда адами капитал индексін мемле­кеттің жаңғыру негізі ретінде дамыту мәселесі көрсетілген. Сондай-ақ, «Цифрлық Қазақстан» бағдарламасына ерекше мән беріліп отыр. Бұл құжат – жүзеге асырылған барлық реформалардың әлеуметтік бағыт­ты­лы­ғының айқын куәсі. Мұнда Президент ел болашағын тәрбиелейтін ұстаздар еңбекақысының артатыны туралы да мәлімдеді. Тәуелсіздік мерейін үстем ететін кемел бастама қолдауға лайық. «Жұмыла көтерген жүк жеңіл». Ертеңіміздің еңселі болуы үшін, дамыған 30 мемлекеттің қатарынан табылу үшін әрбіріміздің қажырлы қайратымыз қажет, – деді Г.Оспанова.

Басқосуда қатысушылар бірауыздан Жолдауды қолдайтынын, нақтыланған бағыт-бағдарды жүзеге асыруға бірлесе жұмыс жасайтынын жеткізді.