Қазалы Qazaly.kz ақпараттық агенттігі
» » Адами капитал – жаңғыру негізі

Адами капитал – жаңғыру негізі

Мемлекет басшысының Қазақстан халқына арнайтын жыл сайынғы дәстүрлі жаңа Жолдауымен таныстым. Елбасының мұғалімдерге баса көңіл аударуы, еңбегімізді шынайы бағалауы біз үшін зор мәртебе. Оқу бағдарламаларының жаңартылған мазмұны аясында оқытуға көшкен мұғалімдердің лауазымдық жалақысын ағымдағы жылдың 1 қаңтарынан бастап біліктілігіне қарай 30-50 пайызға дейін көтеру туралы да атап өтті. Шыны керек, бұл жаңалыққа ұжым болып бір жасап қалдық.
Жолдауда қазақстандықтардың болашағы қазақ, орыс және ағылшын тілдерін еркін меңгеруде екендігі де айтылған. Бұл бағытта біз еліміздің бас педагогының нақты тапсырмаларымен жұмыстар жасап жатырмыз. Орта білім беру саласында жаңартылған мазмұнға көшіп жатырмыз. Бұл үдеріс Елбасының пәрменімен 2021 жылы мәресіне жетпек.
Қазіргі таңда оқушыларға берілетін тапсырманың ауырлығы көпшілікті алаңдататын жағдай-тұғын. Елбасы бұл мәселені де Жолдауынан қалыс қалдырмағаны көңіл қуантады. «Біздегі оқушылардың жүктемесі ТМД елдерінің ішінде ең жоғары болып отырғанын және Экономикалық ынтымақтастық және даму ұйымы елдеріне қарағанда орта есеппен үштен бір еседен көп екенін ескеріп, оны төмендету керек», деді ол. Сонымен бірге Қазақстан Президенті білім берудің барлық деңгейінде математика және жаратылыстану ғылымдарын оқыту сапасын күшейту қажеттігін атап өтті. Осы орайда еліміздің барлық өңіріндегі оқушыларды ғылымға тарту үшін тиісті жағдай жасау керектігіне тоқталды.
Елбасымыздың әр жылғы Жолдауы мен үшін үлкен жауапкершілік пен жетістікке жетудің алғышарты іспеттес. Сондықтан, біз мұғалімдер аталмыш тапсырмалардың толық деңгейде орындалуына белсенді түрде атсалысамыз. Біздің тарапымыздан жасалатын жұмыстар да ел келешегі үшін өз жемісін береді деген сенімдеміз.
Азиза ӘДІЛБАЕВА,
№266 мектеп-лицей директорының
оқу ісі жөніндегі орынбасары
10 қаңтар 2018 ж. 3 538 0

Берекелі іске баулыған

15 маусым 2024 ж. 127

Көпбалалы әке көпке үлгі

15 маусым 2024 ж. 135

Халыққа сапалы қызмет

15 маусым 2024 ж. 117

Жаңа зауыт іске қосылды

15 маусым 2024 ж. 115

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930