Презиенттің өңірлерді аралауы көпті әуреге салып қойды. Назарбаев өзінің жолдауын оқығанда кей аймақтардың даму екпініне көңілі толмайтынын ашық айтты. Алайда жағдайдың өзгеріп жатқаны, тапсырмадан нәтиже шығарғаны болса, ол ақпарат та елбасы назарынан тыс қалмайды
  Яғни, кейбір іс-сапарлар өңірдегі басшылардың ауысуына әкеліп соғуы мүмкін. Ол туралы тарап кеткен әңгімені бос сөз деп айтуға болмайды.
  Сонымен, Шығыс Қазақстан облысының әкімі Даниал Ахметов жақында кетеді деген сыбыс бар. Зейнеткерлік жасына жетіп қойса да, уәкілдігін ұзартқан басшының орнына Жеңіс Қасымбек келуі мүмкін.
  Ал Түркістан облысындағы жемқорлық пен туыстық байланыстар президенттің алдында бірінші рет талқыланған жоқ. Сондықтан бұл өңірдің де басшысы орнын босатады деген әңгіме жай айтылған сөз болмауы мүмкін.
  Егер болжам расталса, Түймебаевтың орнына Өмірзақ Шөкеев немесе Бейбіт Атамқұлов қайта жайғасуы мүмкін.
  Алматы облысының әкімі Амандық Баталов та уәкілдігін ұзарту жарлығына сәйкес қызмет етіп келеді.
  Оның орнына Дәурен Абаев немесе Абай Бисембаев лайық келеді дейді жұрт. Себебі біріншісі осы өңірдің тумасы болса, екіншісінің бай тәжірибесі президенттің көңілінен шыққан.

Саясаткер
Талғат Қалиев