ҚР Президентінің жаңа жолдауы басқа жолдаулардан ерекше екені және жүктелген міндеттердің де күрделене түскені бәрімізге белгілі. Соның ішінде, білім берудің барлық деңгейінде математика және жаратылыстану ғылымдарын оқыту сапасын күшейту және жетілдіру міндеті – дана ұстанымның бір ерекшелігі. Бұл міндет – заманымызда бірегей үлкен жетістікке жету мүмкіндігін тудырады. Осыған орай, мектеп саласында математиканы жалғыз математика пәнінде емес, басқа да пәндермен ұштастыра түсуді әрі қарай тереңдету қажет.

Жаңа Жолдау Мемлекет басшысының өткен жылдың қаңтарында жария еткен Үшінші жаңғыру басымдықтарымен, сондай-ақ, «Болашаққа бағдар: рухани жаңғыру» бағдарламалық мақаласымен етене сабақтас. Президенттің биылғы Жолдауы бізді жігерлендіреді және келешек үшін жауапкершілікті арттырады. Ежелгі Қытайдан «Ағашты отырғызудың ең жақсы уақыты – жиырма жыл бұрын, ал екінші ең жақсы уақыты ол – бүгін» – деген сөз қалған. Сондықтан, біз ұстаздар, бүгінгі талап пен міндетті орындауымыз керек, өйткені біздің әлеміміз бен уақытымыз осыны талап етеді.

Г.ЕЛЕШОВА

№249 мектеп-лицейдің математика пәні мұғалімі