Қазалы Қазалы аудандық қоғамдық-саяси газет
» » «Ісім судьямен болсын»: ақтаулық дәрігердің жазықсыз сотталғаны дәлелденді

«Ісім судьямен болсын»: ақтаулық дәрігердің жазықсыз сотталғаны дәлелденді

Шешуші сот отырысына жиналған халықтың қарасы қалың болды. Насуқан Отарғазиевті қолдауға өңірдегі ондаған аурухана дәрігерлері келген.

Ауруханаға келген әйелге әдепсіз сөйледі деп бір тәулікке темір торға қамалған ақтаулық белгілі балалар хирургінің жазықсыз екені дәлелденді, деп хабарлады «КТК» арнасы.
Апелляциялық алқа Ақтау қаласы мамандандырылған әкімшілік сотының Насуқан Отарғазиевке қатысты қаулысының күшін жойды.
Шешуші сот отырысына жиналған халықтың қарасы қалың болды. Насуқан Отарғазиевті қолдауға өңірдегі ондаған аурухана дәрігерлері келген. Арасында денсаулық сақтау басқармасының өкілдері де бар. Еске салсақ, Отарғазиев өткен айда «ұсақ бұзақылық» бабы бойынша кінәлі деп танылған болатын. Міне, енді дәрігер тарапынан ешқандай әкімшілік құқық бұзушылық болмағаны анықталып отыр. Өйткені, сотқа жеткізілген бейнебақылау камерасындағы видеода ешқандай дыбыс жоқ. Оның үстіне, куәгерлер де дәрігер тарапынан әдепсіз сөздер айтылмағанын растаған. Енді балалар хирургі азаматтық сотқа шағымданып, моральдық шығын өндіре алады. Алайда, ақталған ақ халаттының өзін айыптаған әйелге еш өкпесі жоқ. Тек жазықтан-жазықсыз бір тәулікке абақтыға қамаған судьяға қатысты іс қозғатпақ. 
«Апамыз үлкен кісі. Мүмкін, ана есебінде ашу үстінде айтылған сөздер болар. Ол кісіге тікелей қоятын ешқандай талабым жоқ. Баласының да, өзінің де арына берсін. Айтылмаған затты айтты деп оған байланысты ешқандай да жеке іс қозғағым келіп отырған жоқ. Ең бастысы, мына бірінші сотта болған судьяның қаулысы, жазықсыз бір тәулікке абақтыға қамағанына байланысты іс болатын шығар», - деді балалар хирургі Насуқан Отарғазиев.

03 тамыз 2019 ж. 190 0

Бүгінгi жаңалықтар

Руханият

Түйенің де ақысы болады

Түйенің де ақысы болады

16 қыркүйек 2019 ж.
Өмір туралы өсиет

Өмір туралы өсиет

13 қыркүйек 2019 ж.
Ой салар әңгімелер

Ой салар әңгімелер

13 қыркүйек 2019 ж.
Үш жау

Үш жау

12 қыркүйек 2019 ж.

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30