Астанада көшеде жүрген балаларын шақырмақ болған келіншек 12-қабаттан құлап кетті
Астанада «Сенатор» тұрғын үй кешенінің ауласында жас келіншектің денесі табылды. Куәгерлердің болжамынша, ол балконнан құлап кеткен.Бұл туралы Sputnik Қазақстанға сілтеме жасап Stan.kz хабарлайды.
«Сенатор» тұрғын үй кешенінің тұрғындарының сөзінше, 26 жастағы келіншек балаларын шақырмақ болған. Алайда осы кезде 12-қабаттағы балконнан құлап кетіпті.
«Мәйітке ұзақ уақыт бойы ешкім жолаған жоқ. Себебі жерде мас адам жатыр деп ойлаған», – дейді тұрғындардың бірі.
Көршілерінің сөзінше, марқұм оқиға орнында тіл тартпай кеткен. Оның артында 3 баласы қалды.
Астана ІІД-дегілер мәліметінше, оқиға орнында полицейлер жұмыс істеп жатыр. Қазіргі уақытта оқиғаны мән-жайы анықталуда.
