Келешек үшін таңдау жасауға келді
Жанқожа батыр есімімен аталатын білім ордасындағы учаскеге келешек үшін ниет білдіріп, таңдау жасауға келгендер саны сағат 8:20 да 500-ден асты. 8 комиссия мүшесі келушілерге белсенді қызмет көрсетіп отыр.Сондай-ақ, әзірге референдумға дауыс беруге келген ең жас тұрғынның есімі белгілі болды. Кент тұрғыны Бақытжамал Ізат тарихи маңызды сәтте ел келешегіне қатысты шешім қабылдаудан тысқары қала алмағанын, мұндай мүмкіндік бұрын болмағанын тілге тиек етті.
Айта кетейік, №57 референдум учаскесі Желтоқсан №20в мекен жайында орналасқан.
