Шымкентте «улы» балмұздақ сатқандар 2 жылға сотталулары мүмкін
Шымкентте «улы» балмұздақ сатушылардың үстінен қылмыстық іс қозғалды. Әл-Фараби аудандық полиция бөлімі аталған іске байланысты тексеру жұмыстарын бастап кетті, деп хабарлайды Baq.kz ақпарат агенттігі Оtyrar.kz басылымына сілтеме жасап.ІІД баспасөз қызметі берген мәлімет бойынша, уланғандардың саны 41-ге жеткен. Басым бөлігі балалалар. Сондай-ақ балмұздақ сатқан дүңгіршек жабылды. Құзырлы орган өкілдерінің мәліметінше, улы балмұздақ сатқандардың әрекеті дәлелденсе, заңды түрде шара көріледі. Нақтырақ айтқанда, екі жыл бас бостандығынан айыру немесе 2 000 АЕК негізінде айыппұл төлейтін болады.
«Шымкент ҚІІБ Әл-Фараби ПБ-не жұқпалы аурулар ауруханасынан 41 адам балмұздақтан уланғаны туралы хабарлама келіп түсті. Аталған жайт Әл-Фараби ПБ-нің СДТБТ-не «Санитарлық қағидаларды немесе гигиеналық нормативтерді бұзу» бөлігі бойынша тіркелді. Сараптама тағайындалды. Полицейлермен оқиғаның мән-жайы анықталуда», - дейді Әл-Фараби ПБ аға тергеушісі Ғалым Нұрпейісов.
