Қызылордада автобус жаяу жүргіншіні қағып кетті
Қызылорда қаласының орталық бөлігінде қалаішілік бағдардағы жолаушылар автобусының адам қағып кетті, деп хабарлайды ҚазАқпарат тілшісі.Осындай видео әлеуметтік желіде тарады. Онда зардап шеккен адамның жерде жатқаны, жанында ПАЗ маркалы автобус тоқтап тұрған көрсетілген. Көлік оқиғасына қатысты облыстық ІІД-нің баспасөз қызметі төмендегіше мәлімет таратты. «28 наурызда сағат 17.30 шамасында Қызылорда қаласындағы Әйтеке би көшесі бойындағы жаяу жүргінші өткелінен өтіп бара жатқан азаматшаны №15 бағыттағы қоғамдық автокөлік жүргізушісі қағып кеткен. Аталмыш дерек бойынша автобус жүргізушісіне ҚР Әкімшілік құқық бұзушылық туралы кодексінің 610-бабы 2-бөлігіне сәйкес әкімшілік хаттама рәсімделді. Жәбірленуші қалалық ауруханаға жеткізілді. Тиісті сараптама жұмыстары тағайындалып, тексеру жұмыстары жүргізілуде» деп жазылған хабарламада.
Айта кетейік, дәл осы көшеде 27 наурызда атыс болып, одан бір адам қаза тапқан еді.
