Қазалы Қазалы аудандық қоғамдық-саяси газет
» » Әнші жамағатқа жақсылық сыйлады

Әнші жамағатқа жақсылық сыйлады

Шоу бизнес жұлдыздарын әртүрлі шоу, пиар айналасынан көріп қалған көремен әншінің бұл әрекетіне сүйсінді. ҚМДБ баспасөз қызметі хабарлауынша, Қызылорда облысы, Қармақшы ауданына қарасты Алдашбай ахун ауылына әнші-композитор Әбдіжаппар Әлқожа өз қаржысы есебінен жаңа мешіт салдырған.

Мешіттің ашылу рәсіміне қатысқан ҚМДБ-ның Сыр өңірі бойынша өкіл имамы Болатбек Ұласқанұлы, елімізге белгілі теолог, исламтанушы, «Сарыағаш» медресе-колледжінің директоры Ә.Сманов, аудан әкімінің орынбасары Ж.Сүйеубаев, ауыл ақсақалдары және С.Ерімбетұлының ұрпақтары сөз сөйлеп, салтанатты түрде мешіт лентасын қиды.

Әнші демеушілігімен салынған жаңа құлшылық үйі 70 адамдық ерлер залы және 30 адамдық әйелдер залынан тұрады, яғни жалпы сыйымдылығы 100 адамға шақталған. Жамағат ризашылығына кенелген өнер иесі барлық адамды жақсылық жасауға, жақсы ниет қалыптастыруға шақырды.
"ҚАЗАЛЫ" ақпарат
08 қазан 2019 ж. 319 0

Жаңалықтар мұрағаты

«    Ақпан 2020    »
ДсСсСрБсЖмСбЖс
 12
3456789
10111213141516
17181920212223
242526272829