Төтенше жағдайлар қызметі қызды іздестіруде. Алайда, алдын ала болжам бойынша мәйітті табу мүмкін емес.


Cтудент сасқалақтағаннан ұшақтың есігін ашып жіберіп, құлап қаза тапқан, деп хабарлайды Stan.kz ақпарат агенттігі The Sun басылымына сілтеме жасап. 
Мадагаскар аспанында қайғылы оқиға болды. Алан Кетланд есімді 19 жастағы Кембридждің студенті зерттеу жұмыстарынан кейін үйіне ұшып бара жатып, қатты сасқалақтап кетеді.
Cessna C168 ұшағы Анжавадан көкке көтеріліп бара жатады. Бортта үш адамы болған. Жеңіл ұшақ мыңдаған шақырымға көтеріліп, 10 минут ұшқаннан кейін Алан қауіпсіздік белдігін шешіп, ұшақтың оң жақ есігін ашып, секірмекші болады. Екінші жолаушы қызды тоқтатуға тырысқан. Ол Аланның аяғына ұстап тұрады. Алайда студент ұшақтан ұшып кеткен.
«Оның есікті не үшін ашқанын білмеймін, бірақ ол солай жасады. Есікті ашып, секірді. Есік ашық тұрған жоқ», - деді ұшақтың пилоты Номенжахари.
Төтенше жағдайлар қызметі қызды іздестіруде. Алайда, алдын ала болжам бойынша мәйітті табу мүмкін емес.
«Біз  сұлу қызымыздан айырылып қалғанымызға сене алар емеспіз. Оның адамдарға күлкі сыйлаған әрбір сәті есімізде, көз алдымызда», - дейді қыздың ата-анасы.
Қазіргі таңда тергеушілер оқиғаның барлық мән-жайын тексеріп жатыр.