Бұл жөнінде «Қазақстан Республикасының Үздік мемлекеттік қызметшісі» республикалық байқауы талаптарын сырбойылықжас мемлекеттік қызметшілерге түсіндіру мақсатында өткен басқосуда белгілі болды.

Жиын барысында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің қызметкерлері«Үздік мемлекеттік қызметші» байқауы туралы жан-жақты түсіндірді. Сондай-ақ, жиындаоблыстағы мемлекеттік қызмет кадрларының жағдайы туралы да мәліметтер айтылды.

Департаменттің басқарма басшысы Еркебұлан Сарымбетов «Қазіргі таңда, Қызылорда облысында 3593 мемлекеттік қызметші жұмыс істейді. Олардың ішінде, 55,4 пайызы ерлер, 44,6 пайызы әйелдер. Ал, 602қызметкер 29 жасқа дейінгі азаматтар. Жастар барлық мемлекеттік қызметшілердің 6/1 бөлігін құрып отыр. Аймақтағы ең жас мемлекеттік қызметкер 19 жастағы Назерке Бердібай. Ол қалалық мемлекеттік кірістер басқармасында жетекші маман лауазымында қызмет атқаруда.«Үздік мемлекеттік қызметші» байқауына қатысу үшін жас мөлшеріне шектеу қойылмаған. Дегенмен, бүгінгі шараға жастардың шақырылуы бекер емес.Биыл «Жастар жылы» деп жарияланды.Осы себептіСырбойылық білімді де білікті жас әріптестерімді «Үздік мемлекеттік қызметші» конкурсына белсене атсалысуға шақырамын» - деді.

Бұл басқосудың тағы бір ерекшелігі, 2018 жылы аталған байқауда республиканың «Үздік мемлекеттік қызметшісі» атанған жас мемлекеттік қызметші қатысты. Облыстық тергеу сотының бас маманы 27 жастағы Берік Керуенбаев байқауға қатысуға ниет білдірген әріптестеріне сәттілік тілеп, мотивациялық серпін берді.

Басқосуға келген жас қызметкерлер «Үздік мемлекеттік қызметші» байқауы туралы сауалдарын қойып, бірқатары қатысуға ынталарын білдірді.

Негізінен, аталмыш байқау өңірлік және республикалық екі деңгейде өткізіледі. Өңірлік кезеңде қатысушылар уәждемелік эссе жазады, стратегиялық және бағдарламалық құжаттар бойынша тест тапсырады, өңірлік комиссияға жеке жобалық жұмыстарын ұсынады. Алғашқы кезеңнің жеңімпаз деп танылғандар жобалық жұмыстарын республикалық комиссия алдында қорғайды.

Республикалық кезеңдегі байқауда жеңімпаз атанғандар «Қазақстан Республикасының үздік мемлекеттік қызметшісі» төсбелгісімен марапатталып, республикалық «Жас мемлекеттік қызметшілер» форумына қатысуға жолдама алады.