Қазалы Qazaly.kz ақпараттық агенттігі
» » Қызылордадағы орталық көше Нұрсұлтан Назарбаев құрметіне аталады

Қызылордадағы орталық көше Нұрсұлтан Назарбаев құрметіне аталады

Қызылорда қаласындағы Жібек Жолы көшесі енді Тұңғыш Президент - Елбасы Нұрсұлтан Назарбаев көшесі деп аталады, деп хабарлайды ҚазАқпарат тілшісі.

Мұндай шешім Қызылорда облыстық мәслихатының кезектен тыс ХХVIII сессиясында қабылданды. Қызылорда облысы әкімінің орынбасары Руслан Рүстемов ҚР «Қазақстан Республикасының әкімшілік-аумақтық құрылысы туралы» Заңының 11-бабының 4-1) тармақшасына сәйкес, облыс орталықтарындағы көшелерді қайта атау Республикалық ономастикалық комиссиясының қорытындысы негізінде жүргізілетінін айтып, облыс әкімдігінің қаулысын облыстық мәслихаттың бірлескен шешімімен бекітуді ұсынды.

«Тәуелсіз Қазақстан мемлекетінің қалыптасуында Елбасы өз рөлін абыроймен алып өтті. Ең алдымен, Нұрсұлтан Әбішұлы еліміздің тұрақтылығын, ынтымақтастықты қалыптастырып, Қазақстанды әлемдік деңгейде танытты. Сондықтан осы бастаманы қолдауды ұсынамыз», - деді облыстық мәслихат хатшысы Наурызбай Байқадамов.

Өз кезегінде депутаттар Жібек Жолы көшесін Нұрсұлтан Әбішұлы Назарбаевтың құрметіне беру туралы шешімді бірауыздан қабылдады.

Еске салайық, ҚР Президенті міндетін уақытша атқаруға кіріскен Қасым-Жомарт Тоқаев өңірлердегі орталық көшелерге ҚР Тұңғыш Президенті-Елбасы Нұрсұлтан Назарбаевтың есімін беру ұсынысын жасаған болатын. 
21 наурыз 2019 ж. 2 395 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031