Қазалы Қазалы аудандық қоғамдық-саяси газет
» » Мерекедегі марапат

Мерекедегі марапат

Қазалылық полицейлер 8 наурыз мерекесінде қызмет бабында қаза тапқан азаматтың жарына құрмет көрсетті. Халықаралық әйелдер мейрамы қарсаңында аудандық полиция бөлімінің бастығы Еркін Сағымбаев бастаған бір топ тәртіп сақшылары Қайрат Қалековтың жары Әлия Салмұрзаеваны мерейлі мерекемен құттықтап, гүл шоқтарын ұсынды. Сондай-ақ, Қазақстан Республикасы Ішкі істер министрлігінің әлеуметтік қолдау қорынан бөлінген қаржылай сыйақыны (30 мың теңге) табыс етті.

Айта кетейік, ерліктің ерен үлгісін көрсетіп, халықтың қауіпсіздігін қорғау жолында қырағылық танытқан полиция сержанты Қайрат Қалеков 1998 жылдың 12 ақпанында қызмет барысында қылмыскердің қолынан мерт болды. Қылмыскерді тұтқындау кезінде ерлік көрсеткені үшін ол Қазақстан Республикасы Президентінің Жарлығымен “Ерлігі үшін” медалімен марапатталды. Аудан орталығындағы бір көшеге Қайрат Қалековтың есімі берілді. Артында қалған жалғыз ұлы Мақсат әкесінің жолын жалғастырып, қазіргі кезде полиция саласында қызмет атқарып жүр.
Ж.СОВЕТҰЛЫ
12 наурыз 2019 ж. 975 0

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930