Шамшырақ
Шамшырақ Нұржанова Әйтеке би кентіндегі іргелі білім ордаларының бірі – Е.Бозғұлов атындағы №249 мектеп-лицейдің кітапханашысы. Жоғары білімді маман кітапхана жұмысын жақсарту бағытында түрлі тақырыптарда танымдық шара өткізіп, кітапхана ішін заман талабына сай безендіруді ерекше қолға алған. Әрбір ұстаз бен оқушының іздеп келген кітабын тауып беріп, оқырман сұранысын қанағаттандыру Шамшырақтың ең басты жұмысы. Кітап қорының да ұлғаюына үлкен үлес қосып келеді.Шамшырақ Әбдікәрімқызының аудандық орталықтандырылған кітапхана ұжымы ұйымдастыратын «Үздік оқырман», «Бір ел – бір кітап» акциясына қатысқан шәкірттері үнемі жеңімпаз атанады. Бірнеше рет аудандық семинар өткізіп, білім бөлімінің Алғыс хатымен марапатталған кітапханашы тынымсыз еңбегінің арқасында облыстық «Сыр Медиа» серіктестігінің, аудандық «Қазақ тілі» қоғамының орталықтандырылған кітапханасының Алғыс хаттарын да иеленген.
Ұлболсын ЕРБОЛҚЫЗЫ
