Қазақстанда «времянкаларда» тұруға тыйым салынуы мүмкін
“Времянкалар” өмір үшін қауіпті, сондықтан қауіпсіздік мақсатында Қазақстанда мұндай баспанада тұруға тыйым салу ұсынылды, дейді еліміздің ішкі істер министрлігіндер.Ішкі істер министрінің орынбасары Юрий Ильиннің сөзінше, талдау жүргізілгеннен кейін аталған ұсынысты үкіметке енгізбек, деп хабарлайды Sputnik Қазақстанға сілтеме жасап Stan.kz.
«Бүгінде жекеменшік иесі өз мүлкін әкімдік, ХҚКО-лар арқылы өздігінен тіркеу заң арқылы реттелген. Өкінішке орай, арам пиғылды салушылар жекеменшік сектор аумағында уақытша баспана салып, оларды баспанаға мұқтаж тұрғындарға жалға беріп отырғанын көріп отырмыз», – дейді Ильин.
Сонымен қатар ол уақытша баспаналарда су құбыры, кәріз жүйесі жоқ болғандықтан, санитарлық талаптарға жауап бермейтінін атап өтті.
«Үкіметке уақытша баспананы үй ретінде пайдалануға тыйым салу туралы ұсыныс енгіземіз», – дейді министрдің орынбасары.
