Қазалы Qazaly.kz ақпараттық агенттігі
» » «Шапағат» – мемлекеттік премияның иегері

«Шапағат» – мемлекеттік премияның иегері

ҚР Қоғамдық даму министрлігінің ұйымдастыруымен, Мемлекет басшысының қатысуымен осы жылдың 27-28 қарашасында «Азаматтық қоғам және мемлекет: Диалог. Әріптестік. Сенім» VIII Азаматтық Форумы болып өтті. Оған біздің ауданнан делегат ретінде «Шапағат» мүгедек балаларды сауықтыру орталығы қоғамдық қорының директоры Шынаркүл Жеңсікбаева қатысты.

Қазақстанның VIII Азаматтық Форум шеңберінде Қазақстанның «Таным» республикалық қоғамдық сыйлығын табыстау және Қазақстанның үкіметтік емес ұйымдары арасында сыйлықтың құрметті лауреаты атағын беру үшін конкурс жарияланды.

Сыйлықтың мақсаты – Қазақстанда азаматтық қоғамның қалыптасуына және дамуына баға жетпес үлес қосқан ҮЕҰ мүшелерінің қызметіндегі жетістіктерді көпшілік алдында мойындату.

Аталған шара барысында ауданымызда 23 жылдан бері даму мүмкіндігі шектеулі балалармен нәтижелі жұмыс жасап келе жатқан «Шапағат» мүгедек балаларды сауықтыру орталығы қоғамдық қоры үкіметтік емес ұйымдарға арналған сыйақының лауреаты, «Халықтың әлеуметтік тұрғыдан осал топтарын қолдау» номинациясы бойынша марапатталды.
Қазалы ауданы әкімінің баспасөз қызметі
07 желтоқсан 2018 ж. 1 641 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031