Аудан әкімдігі жанындағы діни бірлестіктермен байланыстар жөніндегі кеңес отырысы болып өтті.

Үстіміздегі жылдың 31 қазаны күні аудан әкімі М.Ергешбаевтың төрағалығымен аудан әкімдігі жанындағы діни бірлестіктермен байланыстар жөніндегі кеңес отырысы өткізілді.

Күн тәртібіндегі мәселелерге сәйкес аудандық орталық аурухана бас дәрігерінің орынбасары Әсия Ізтілеу -«Вакциналық екпеден бас тартқан тұрғындар арасында жасалынған профилактикалық жұмыстар мен алда тұрған міндеттер туралы», аудандық «Жанқожа батыр» мешітінің бас имамы Берік Сүлейменов - «Жергілікті мешіттердің жай-күйі, діни кадр резервтерін жасақтау, жергілікті намазхандармен жұмыс туралы» және Ақжона, Алға, Өркендеу ауылдық округтері бойынша діни ахуалдың жай-күйі, діни тұрақтылықты нығайту бағытында атқарылған жұмыстар жөнінде аталған ауылдық округ әкімдері Ақтілеу Бөріқұлақов, Абдулла Төлемісов, Нәби Үргенішбай хабарлама жасады.

Талқыланған мәселеге қатысты тиісті сала басшыларына тапсырмалар берілді.

"Қазалы" ақпарат