Елді мекендердің жай-күйімен танысты

Аудан әкімі М.Ергешбаевтың тапсырмасына сәйкес, аудан әкімінің орынбасары Ғ.Еркебай мен бөлім басшылары елді мекендердің тыныс-тіршілігімен танысу мақсатында Сарбұлақ, Шәкен, Шилі елді мекендерін аралады.

Күн тәртібінде жұмыспен қамту, ауылдардағы медицина және білім беру жағдайы, ауыл шаруашылығы, ветеринария саласының мәселелері қаралды. Жауапты мамандар баяндама жасап, алдағы уақытта атқарылатын жұмыстар нақтыланды. Сондай-ақ, аталмыш ауылдық округтердегі әлеуметтік-мәдени нысандардың жылу маусымына дайындығы тексерілді.

Аудан әкімінің орынбасары Ғ.Еркебайға ауыл тұрғындары өз сұрақтарын қойып, нақты жауаптар алды.