Қазақ қызы халықаралық сұлулық байқауында көш бастады

24 жастағы Астана тұрғыны Айгерім Момынжанова халықаралық "Әлем сұлуы - 2018" байқауында финалдың 1/8 бөлігіне өтті.

Айгерім ірі қазақстандық банкте менеджер болып жұмыс істейді. Өткен жылы бойжеткен "Кеңсе аруы - 2017" байқауының жартылай финалисі атанған. Одан бөлек "Әлемдегі ең сұлу күлкі иесі - 2017" халықаралық байқауының финалына өткен.

Финалдың кезекті бөліміне Ресейдің, Белоруссияның, Латвияның, Өзбекстанның алты аруы өтті. Өткендер арасында Айгерім де бар.

Финалдың келесі бөліміне тек бес ару өтетін болады. 10 тамыз күнгі дауыс беру нәтижелері бойынша қазақстандық ару бірінші орынды иеленуде - барлық дауыс санының 20,48 пайызы. Екінші орында Белоруссия аруы Екатерина Дубровская (18,07%), үшінші орында Өзбекстан тумасы Диана Шелкова (16,87%).

Жыл сайынғы байқауға тек 18 жастағы тұрмыс құрмаған арулар қатыса алады.