Дұрыс тамақтану – денсаулық кепілі
фото:яндекс Қазіргі қарқынды өмір салтында адамдар дұрыс тамақтануға аса мән бере бермейді. Әсіресе, тез дайындалатын тағамдар – фастфуд кеңінен таралып, көпшіліктің күнделікті рационына айналды. Алайда, дұрыс тамақтану – денсаулық пен ұзақ өмір сүрудің негізгі кепілі. Бұл мақалада біз диета мен фастфудтың артықшылықтары мен кемшіліктерін қарастырып, денсаулыққа пайдалы таңдау жасау жолдарын талқылаймыз.
Фастфудты жиі тұтыну – денсаулыққа зиян келтіретінін көп адам түсінеді, бірақ өмірдің қарбалас ырғағы оларды жылдам әрі оңай шешімдерге итермелейді. Фасфудтың тез дайындалып, әрі тиімді бағада болғандықтан өнімді жұмысы көп, уақыты тығыз адамдар қолданады. Үлкендерден бөлек фастфуд өнімдері дәмді және тәбет ашатын қоспалары бары арқасында кішкентай балалар мен жастар арасында үлкен сұранысқа ие. Қуырылған картоп,майлы бургер мен газдалған сусындардың дәмі кімге ұнамайды дейсің. Олардың өз денсаулығымызға пайдасынан зияны көптігіне мән бермей,күнделікті тұтыну қате екенін білеміз. Тез дайындалатын өнімдер орнына күнделікті газдалған сусындар орынын суға немесе тәтті шырындар ұнататын болсаңыз жемістерден шырынды дайындап алуды кеңес беремін. Жұмысыңыз көп, уақытыңыз тығыз болса үйден пайдалы салаттармен сендвич немемсе жеміс-жидектер алып шығыңыз, бұл өнімдерден қарныңыз тойып қана қоймай, дәрумендермен қуаттанасыз.
Дұрыс тамақтану – ағзаның қажетті дәрумендер мен минералдарға бай, теңгерімді тағамдарды қабылдауы.Дұрыс тамақтану мен фастфудтың арасында таңдау жасау – әркімнің өз қолында. Егер сіз денсаулығыңызға мән беріп, ұзақ әрі сапалы өмір сүргіңіз келсе, пайдалы тамақтануды әдетке айналдырған жөн. Ал фастфудты сирек және аз мөлшерде тұтыну – денсаулыққа зиян келтірмеудің ең дұрыс жолы. Өмір сапасын жақсартудың негізгі құралы – дұрыс және теңгерімді тамақтану.
Айлуна ЖАҢАБЕРГЕНОВА
