Телефонға тәуелділіктен қалай арылуға болады?
фото:яндексҚазіргі заман технологиямен тығыз байланысты. Телефон, әлеуметтік желілер, хабарламалар – барлығы күнделікті өміріміздің ажырамас бөлігіне айналды. Бірақ смартфонға шамадан тыс тәуелділік өнімділіке әсер етіп, шынайы қарым-қатынастарға зиянын тигізуі мүмкін. Егер сіз телефонды аз қолданғыңыз келсе, бірақ оны қалай жасау керектігін білмесеңіз, бұл мақала сізге пайдалы болады деген ойдамын.
Егер сіз осы қасиеттерді өзіңізден байқасаңыз онда бұл-телефонға тәуелділіктің белгілері:
- Таңертең оянған бойда телефонды бірден қолға аласыз.
- Бос уақытыңызда автоматты түрде әлеуметтік желілерді ашасыз.
- Телефонсыз өзіңізді жайсыз сезінесіз.
- Экран алдында көп уақыт өткізіп, жұмысыңыз немесе оқуыңыз кейінге қалады.
- Кешке дейін телефон қарап, ұйқыңыз бұзылады.
Телефонды аз қолданудың пайдасы:
- Өнімділік артады – назарыңызды маңызды істерге аударуға көмектеседі.
- Шынайы қарым-қатынастар жақсарады – отбасымен және достарыңызбен көбірек уақыт өткізуге мүмкіндік туады.
- Ұйқы сапасы жақсарады – телефонның көк жарығы ұйқы гормонына кері әсерін тигізеді.
Телефонды аз қолданудың тиімді жолдары:
- Экран уақытын бақылау
- Көптеген смартфондарда экран уақыты туралы статистика бар. Телефонда қанша уақыт өткізетініңізді бақылаңыз және шектеу қойыңыз.
- Хабарландыруларды өшіру
- Әлеуметтік желілер мен қажетсіз қосымшалардың хабарландыруларын азайту телефонға деген қажеттілікті төмендетеді.
- “Телефонсыз” уақыт белгілеу
Күніне кем дегенде 1-2 сағат телефонсыз уақыт өткізіңіз (мысалы, кешкі ас кезінде немесе кітап оқығанда).
- Телефонды ұйықтар алдында қолданбау
- Ұйқыға 1 сағат қалғанда телефонды қойып, орнына кітап оқу немесе тынығу әдістерін қолданыңыз.
- Әлеуметтік желілерді шектеу
Егер әлеуметтік желілер көп уақытыңызды алса, арнайы қосымшалар арқылы оларды шектеңіз немесе қажетсіздерін өшіріңіз.
Қорытындылай келе, телефонды аз қолдану – өмір сапасын жақсартудың бір қадамы. Бастысы – телефонды толық тастаудың қажеті жоқ, тек оны қажеттілікке қарай қолдану керек.
Тоғжан ШОРА
