“Нұр Отан” партиясы Қазалы аудандық филиалының ұйымдастыруымен партияның “Ардагерлерді ардақтайық” жобасын жүзеге асыруға арналған іс-шаралар қолға алынуда.

Бұл мақсатта аудандық партия филиалы аппаратының қызметкерлері мен ерікті жастар бірқатар жалғызбасты қарт аналардың үй шаруашылығына жәрдемдесіп, қол көмектерін берді. Аталған шара аясында нұротандықтар Әйтеке би кентіндегі, Жалдыбай жырау көшесінің тұрғыны Ұлмекен Нағымованың отбасында болып, ауласы мен үй ішіне тазалық жұмыстарын жүргізіп, ақ жаулықты ананың ыстық ықыласқа толы батасын алды.