Жасанды интеллект аясында шеберлік сағаты өтті
ХІ Халықаралық журналистика және коммуникация қысқы мектебінің алғашқы күні басталып кетті.Алматы облысы, Іле-Алатау мемлекеттік ұлттық паркі, Белбұлақ шатқалы, «Тау-Тұран» білім беру-сауықтыру кешенінде Дүниежүзілік радио күніне арналған «Радиохабар таратудағы жасанды интеллект: жаңа форматтары мен практикасы» тақырыбы аясында шеберлік сағаттар өтті.
2014 жылдан бастау алған қысқы мектеп білімді студенттер мен тәжірибелі журналистер арасындағы Медиа-диалог алаңы. Оффлайн режимдегі қысқы мектеп жұмысына Қазақстан өңірлерінен, сонымен қатар Эпиофия, Бангладеш, Ауғанстан, Қытайдан келген студенттер мен оқытушылар және журналистер қатысты. Олар өзара еркін ой алмасып, жастар аға буыннан тәжірибе жинады.
Аяулы МЕЙРАМҚЫЗЫ
