Сайлушылардың ұсыныстары тыңдалды

Аудандық мәслихат төрағасы, партия филиалының төрағасы Ғазиз Әліш және аудандық мәслихат депутаты Ерболат Мұхаш №249 мектеп-лицейінің мәжіліс залында бірқатар сайлаушылармен кездесу өткізіп, атқарған жұмыстары шеңберінде есеп берді.

Кездесу барысында аманаттық депутаттар партия алаңында жасалған қоғамдық қабылдаулардың нәтижесі, аудандық мәслихаттың сессияларында және тұрақты комиссиялармен бірлесе атқарылған жұмыстар, партияның Сайлауалды бағдарламасының аудан көлемінде орындалуы, сайлаушылардың талап-тілектері мен ұсыныстарын орындау бойынша жасалған жұмыстардың барысына тоқталды. Сондай-ақ «Ауыл аманаты» жобасы бойынша ақпараттық-түсіндірме жасады.

Мұнан соң жиын қатысушылары өздерін толғандырған сауалдарын қойып ұсыныстарымен бөлісті. Мәселен, №249 мектеп-лицейінің дене шынықтыру пәнінің мұғалімі мектеп ауласындағы спорттық алаңның жай-күйіне қатысты мәселені алға тартса, ал келесі тұрғын қаңғыбас иттердің көптігі, Әйтеке кентіндегі тұрғын үйлерге жақын каналдардың балалар үшін қауіпті болуы алаңдататынын айтты.

Барлық мәселе бойынша халық қалаулылары толық түсіндірме жүргізіп, бірқатар мәселелерге сәйкес тиісті мекемелерге ұсыныс хат жолданатындығын атап өтті.

#AMANAT

Қоғам

27 қазан 2023 ж. 384 0