Астанадан Алматыға қарай бет алған №10 пойыз 2012-2014 жылдары Крюковский және Тверский зауыттарынан шыққан вагондардан құрастырылған. Бұл вагондардың қажетті техникалық тексерулер мен тиісті нормативтік-техникалық құжаттамалардан өткені белгілі болды, деп хабарлайды Baq.kz тілшісі.

    Нормативтік-техникалық талаптарға сәйкес, №10 пойыздың вагондары рейс алдында техникалық қызметтік тексерістен өткен.

Теміржол техникалық регламентке сәйкес, айына екі рет тексеріледі. Соңғы рет 2018 жылдың 6 маусымы күні тексерілген. Ешқандай ақау анықталмады.

    Алматы-1 вокзалына жеткізілген барлық жолаушыға қажетті көмек көрсетіліп, билет қайтару құнына қатысты ақпараттар берілді. Билет құнын қайтаруға қатысты сұрақтар бойынша келесі нөмірлерге хабарласуға болады: 8 (7172) 600-244; 933-617 (Астана қаласы).

«НСК» компаниясына сақтандыру сұрақтары бойынша келесі нөмірлерге хабарласуға болады: 8(7172) 600-235; 600-128.

   Естеріңізге сала кетсек, ағымдағы жылдың 17 маусым күні сағат 13.25-тер шамасында, «Шығанақ-Шу» учаскесінің «Жиделі-Бірлік1» перегонында жолаушылар тасымалдайтын Астана қаласынан Алматы қаласына бағыт алған №9 пойызының 6 вагоны рельстен шығып кетті. Төтенше жағдай салдарынан 3 адам жарақаттанып, бір адам қаза тапты. Кейін жолаушылар Шу станциясына басқа пойызбен жеткізілді.