Сайлаушылар өтініші оң шешімін тапты
«AMANAT» партиясының аудандық мәслихаттағы фракция мүшелеріне Әйтеке би кенті, 5 квартал аумағының ардагер тұрғындары Жамшейт Сүгірбаев, Темірбек Нұрымбетов, Темірхан Әзіров және Қасымхан Серімбетовтен көктемгі егін егу жұмыстарына ауыл іргелік жер телімін дайындау үшін 1 гектар жер телімін жыртып дайындауға қажетті техникамен қамтамасыз ету үшін өтініш түскен болатын.
Аталған өтінішке сәйкес бүгін аудандық мәслихат депутаттары Нұркен Ботабайұлы мен Ардақ Нартайұлының көмегімен сайлаушылар өтініші оң шешіліп, қажетті техникалармен қамтамасыз етіліп, тиісті жұмыстар жасалды.
Өз кезегінде тұрғындар көмек қолын созған «AMANAT» партиясына және халық қалаулыларына өз алғыстарын білдірді.
#AMANAT
