Қазақстан мектептерінде ата-аналарға педагогикалық қолдау орталығы ашылады
2023-2025 жылдарға арналған Бірыңғай білім беру бағдарламасы әзірленді."Әділетті Қазақстан: адал ұрпақ, сапалы білім, табысты ұлт" атты білім қызметкерлерінің тамыз кеңесінде Оқу-ағарту министрі Ғани Бейсембаев білім беру ұйымдарында "Ұлттық тәрбие – ел болашағы" білім берудің тұжырымдамалық негіздері енгізіліп жатқанын атап өтті.
"Министрлік оқушылармен, ата-аналармен және қоғаммен идеологиялық жұмысты жандандыруға бағытталған 2023-2025 жылдарға арналған Бірыңғай білім беру бағдарламасын әзірледі. Осы жылдың 1 қыркүйегінен бастап барлық білім беру ұйымдарында ата-аналарға педагогикалық қолдау көрсету орталықтары жұмыс істей бастайды. Олардың ең бірінші басымдығы – балаларды оқыту мен тәрбиелеуде отбасы мен мектептің өзара әрекеттесуін күшейту, бала тәрбиесінде оң мәдениетті дамыту", деді министр.
Айта кетсек, 2023-2025 жылдарға арналған Бірыңғай білім беру бағдарламасын жүзеге асыру осы жылдың 1 қыркүйегінде басталады. Ол шамамен 5 миллион баланы қамтиды.
Білім алушылармен тығыз жұмыс жасау үшін "Өркен" Адамның үйлесімді дамуы ұлттық институты мен "Өрлеу" БАҰО АҚ базасында 72 сағаттық бағдарлама бойынша арнайы педагогикалық курстар өткізіледі
