МӘМС жарнасын қандай санаттағы азаматтарға мемлекет төлейді
Халықтың әлеуметтік жағынан қорғалмаған топтары үшін медициналық қызмет қолжетімді болуы үшін не істеліп жатыр? Бұл сауалға Денсаулық сақтау министрлігі жауап берді, деп хабарлайды inform.kz.«Мемлекет халықтың әлеуметтік осал топтарындағы азаматтардың 15 жеңлдік санаты үшін міндетті әлеуметтік-медициналық сақтандыру жарнасын төлейді», - деп атап өтеді министрліктен агенттіктің ресми сауалына орай.
Аталған 15 санатқа кіреді:
1) 18 жасқа дейінгі балалар;
2) жұмыс істемейтін жүкті әйелдер;
3) бала үш жасқа толғанға дейін оны тәрбиелеп отырған жұмыс істемейтін адамдар;
4) жүктілікке және босануға, жаңа туған баланы асырап алуға, сондай-ақ баланы үш жасқа толғанға дейін күтуге байланысты демалыста жүрген адамдар;
5) «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар;
6) мүгедек балаға күтім жасайтын жұмыс істемейтін тұлғалар;
7) бала кезінен мүгедектерге күтім жасаушылар;
8) мүгедектер;
9) зейнеткерлер мен ҰОС ардагерлері;
10) орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар;
11) жұмыссыз ретінде тіркелген тұлғалар;
12) жұмыс істемейтін мемлекеттік атаулы әлеуметтік көмек алушылар;
13) жұмыс істемейтін оралмандар;
14) қауіпсіздігі барынша төмен мекемелерді қоспағанда, қылмыстық-атқару жүйесі мекемелерінде сот үкімі бойынша жазасын өтеп жүрген адамдар;
15) тергеу изоляторларындағы адамдар.
