"Экономика мәдениеті болуы керек". Бағдат Мусин интернетті үнемдеуге шақырды
Қазақстан құрылыс салушыларды ірі ғимараттарға базалық станциялар орнатуды міндеттегісі келеді. Бұл туралы Үкімет отырысында Цифрлық даму, инновациялар және аэроғарыш өнеркәсібі министрі мәлімдеді.Бағдат Мусин мұны заңнамалық деңгейде бекітуді жоспарлап отырғанын атап өтті. Оның айтуынша, мұндай шара қазақстандықтарға сауда және іскерлік орталықтарда, қонақүйлерде және басқа да ірі үй-жайларда интернет пен байланысқа тұрақты қол жеткізуге мүмкіндік береді. Министр қазір құрылысшылардың техниканы үнемдеп жатқанын баса айтты. Сондықтан операторлар мұндай орындардағы нашар байланыс үшін жауапты болмауы керек.
Сонымен қатар, министр қазақстандықтарды интернетті үнемдеуге шақырды.
"Қазақстандықтар 15-20 гигабайт ақпаратты тұтынуға үйреніп қалған. Бірақ ақшаны үнемдейік. Мобильді интернеттің қымбат екенін түсінейік. Үйге келгенде Wi-Fi желісіне ауысу керек. Мәдениет, экономика мәдениеті болуы керек. Бұл сарқылмайтын ресурс емес, себебі базалық станция белгілі бір мобильді құрылғыларды қосады. Олар көбейгенде байланыс нашарлай бастайтыны анық", — деді ол.
Министр интернетте сарқылатынын атап өтті.
«Интернет те сарқылатын ресурс. Ал екінші базалық станцияны орнату үшін қомақты инвестиция қажет. Ал инвестиция қайдан келеді? Біздің қаржымыздан», — деді министр.
