Египет тегін транзиттік визалар бере бастады
Египет билігі ел аумағында төрт тәулікке дейін тегін транзиттік виза алуға мүмкіндік берді.Бұл туралы дүйсенбіде Каирдегі EgyptAir авиакомпаниясының Бас кеңсесінде хабарланды, деп жазады inbusiness.kz.
Әуе тасымалдаушысы өкілінің айтуынша, "енді Мысырға 8-ден 96 сағатқа дейін кіру үшін транзиттік виза алу мүмкіндігі пайда болды". Транзиттік визаны Каир халықаралық әуежайына келгеннен кейін тегін алуға болады, деп қосты ол.
Egypt Air кеңсесі мұндай визаны алғысы келетін жолаушы ұшып келгеннен кейін авиакомпанияның транзиттік кеңсесіне хабарласып, арнайы анықтаманы толтыруы керек екенін түсіндірді.
Egypt Air атап өткендей, мұндай шешім "мемлекеттің жалпы бағытында тұрақты даму мақсаттарына қол жеткізу және Египеттің саяхатшылары мен қонақтарына қолдау көрсету үшін" жалпы туризмді жандандыру мақсатында қабылданды.
