«Орындалған құрылыс жұмыстарының көлемі 12,1 пайызға артты. 18 өңірде оң өсу тіркелді. Әсіресе құрылыс-монтаждау жұмыстарының ең көп өсімі Қызылорда, Жамбыл, Батыс Қазақстан және Жетісу облыстарында байқалды. Осы жылғы қаңтар-мамырда 5,5 млн шаршы метр тұрғын үй пайдалануға берілді. Бұл өткен жылдың сәйкес кезеңімен салыстырғанда 15,4 пайызға жоғары», - деді министр.

Әлібек Қуантыровтың дерегінше, тұрғын үйді пайдалануға берудің ең жоғары көрсеткіштері Шымкент, Алматы және Астана қалаларында, сондай-ақ Ұлытау облысында байқалды.

«Ауыл шаруашылығының жалпы шығарылымы 3,5 пайыз ұлғайды. Саладағы өндірістің оң өсуі 16 өңірде тіркелді. Ең жоғарғы өсуді Маңғыстау, Шығыс Қазақстан, Ақмола және Павлодар облыстары көрсетті. 7 экономикалық көрсеткіш бойынша өңірлер арасындағы жалпы жағдай мынадай: Барлық көрсеткіштер бойынша оң өсу 8 өңірде – Абай, Ақмола, Батыс Қазақстан, Қостанай, Павлодар, Солтүстік Қазақстан және Ұлытау облыстарында, сондай-ақ Алматы қаласында байқалды», - деді ол.