Қазақстанға әкелінетін қантқа квота енгізіледі
Қазақстан аумағына қант шикізатын әкелуге квота енгізілді, деп хабарлайды el.kz ақпарат агенттігі.Қазақстан Республикасының аумағына құрақ қант шикізатын әкелуге арналған квотаның мөлшері 350 000 тонна болып белгіленсін. Квотаның қолданылу мерзімі – 2023 жылғы 22 сәуірден 31 желтоқсанға дейін, - деп көрсетілген Ауыл шаруашылығы министрінің бұйрығында.
Бұған дейін 30 наурызда онлайн форматта өткен ЕЭК Кеңесінің отырысында қатысушылар Қазақстанға шикі қантты бажсыз әкелу ұсынысын бірауыздан қолдаған болатын.
Ал Сауда және интеграция бірінші вице-министрі Арман Шаққалиевтің айтуынша, бүгінде 18 өңір шикі қантты сатып алу және қайта өңдеу үшін 18,3 млрд теңге сомасында қант зауыттарын қаржыландырды.
