Заманауи құрылғылармен жабдықталған сыйымдылығы 40 орындық автобуста оқушылардың жайлылығы мен қауіпсіздігі үшін барлық жағдай жасалған. Көлік қауіпсіздік талаптарына сай. Есіктері ашық тұрған сәтте қозғалысты бұғаттау механизмі, маяктар және ерекше қажеттілігі бар балаларға арналған пандустар бар. Автобуста сағатына 60 шақырымға дейінгі жылдамдықты шектеу жүйесі қарастырылған, орындықтар қауіпсіздік белдіктерімен жабдықталған. Сонымен қатар мектеп рюкзактарына арналған арнайы сөрелер бар.

Бүгін Е.Бозғұлов атындағы №249 мектеп-лицейдің ата-аналар ұжымы мен шәкірттері жаңа автобусты күтіп алды. Балалар игілігіне берілген көліктің мүмкіндіктерімен танысып, игі тілектерін жаудырды.