Ranking.kz хабарлауынша, қалаларда некеге тұру саны бір жылда 28,1%-ға, 15,6 мыңға дейін төмендесе, ауылдарда бірден 55,6%-ға, 8,9 мыңға дейін өсті.

Үш айдағы ажырасулар саны 3,9 мыңды құрады - бір жыл бұрынғыдан 5,6%-ға аз. Қалаларда ажырасулар саны бір жылда 14,6%-ға азайып, 2,9 мыңға дейін, ауылдарда 36,8%-ға өсіп, 986-ға жетті.

Өңірлік тұрғыда некелердің көпшілігі Түркістан облысында тіркелді: 2,8 мың – бір жыл бұрынғыдан 13,3%-ға аз. Үздік үштікке сондай-ақ Алматы (2,5 мың, жыл бойынша - 29,9%) және Алматы облысы (2,2 мың, - 20,5%) кірді.

Ең аз неке Ұлытау облысында тіркелген: 264. Ең көп ажырасулар Алматы (494), Астана (351) және Қарағанды облысында (341) тіркелген. Ең аз ажырасулар Ұлытау, Қызылорда және Атырау облыстарында тіркелген.

Қазақстандықтар арасында ажырасуға деген көзқарас бойынша Ақпарат және қоғамдық даму министрлігі әлеуметтік сауалнама жүргізген. Бұл ретте қазақстандықтардың 39,8 пайызы ажырасуға өте жағымсыз көзқараста екенін жеткізген, олар үшін ажырасуға жол берілмейді. 41,3%-ы ажырасуды жағымсыз құбылыс деп санайды, бірақ кейде тұрақты жанжалдардан гөрі ажырасу жақсырақ деп есептейді. Респонденттердің 12,8%-ы ажырасу өмірге оң әсер етеді, ажырасу кейде жаңа отбасын құруға мүмкіндік береді деген. Сауалнамаға қатысқандардың тек 1,3%-ы ажырасуға толықтай оң көзқараспен қарайды, олар бұл ерлі-зайыптылардың екеуіне де оң әсер етеді деп есептейді.

Ажырасу себептері ретінде респонденттер ерлі-зайыптылардың біреуінің алкоголизмін немесе нашақорлығын (61,7%), тұрмыстық зорлық-зомбылықты (51,1%), ерлі-зайыптылардың біреуінің құмар ойындарүа әуестігі (47%) атап өтті.