Қазақстанда отау құрғандар мен ажырасқандар саны азайған
Қазақстанда отау құрған және ажырасқан жұптар саны 8%-ға азайған. Бұл туралы Ұлттық статистика бюросы мәлімдеді деп хабарлайды stan.kz ақпарат агенттігі Ranking.kz сайтына сілтеме жасап.2022 жылы қаңтар және желтоқсан аралығында елімізде 128,5 мың жұп некесін тіркеген. Бұл 2021 жылғы көрсеткіштен 8,4%-ға аз. Сонымен қатар қалаларда тіркелген неке саны 85,5 мыңға дейін немесе 14%-ға азайыпты. Ауылдарда керісінше отау құрған жұптар саны 5,4%-ға көбейген.
Былтыр ажырасқандар саны 17,7 мыңға жеткен. Бұл да 2021 жылмен салыстырғанда 8,1%-ға аз. Қалаларда ажырасу дерегі 11,9%-ға азайса, ауылдарда 4,7%-ға көбейіпті.
Аймақтар бойынша ең көп неке Алматыда тіркелген: 13,6 мың, дегенмен бұл 2021 жылғы көрсеткіштен 27,6%-ға аз. Үздік үштікте Түркістан облысы(13,3 мың) мен Астана қаласы (10,7 мың) бар.
Ал ажырасу дерегі бойынша Алматы (2,3 мың), Астана мен Қарағанды облыстары (әр аймақта 1,6 мың ажырасу дерегі) көш бастады.
