МӘМС бойынша консультациялар 1414 арқылы беріледі
2023 жылғы 1 маусымнан бастап 1406 нөмірі бойынша Әлеуметтік медициналық сақтандыру қорының байланыс орталығы арқылы жүзеге асырылған медициналық сақтандыру және медициналық көмек көрсету мәселелері бойынша барлық консультацияларды 1414 нөмірі бойынша бірыңғай байланыс орталығы ұсынады, деп хабарлайды egemen.kz «Әлеуметтік медициналық сақтандыру қоры» КЕАҚ баспасөз қызметіне сілтеме жасап.2023 жылдың 1 маусымынан МӘМС бойынша консультациялар 1414 арқылы беріледі.
Мұндай шешім халыққа консультациялық көмектің барынша қолжетімділігін қамтамасыз ету және жоғалған қоңыраулар үлесін қысқарту мақсатында қабылданды.
1414 операторлары 9:00-ден 21:00-ге дейін консультативтік сипаттағы сұрақтар бойынша қоңыраулар қабылдайды әрі оларға жауап береді. Егер сұрақтар-өтініштер терең зерделеуді қажет етсе, онда олар Қор мен медициналық ұйымдардың өкілдері өңдейтін екінші және үшінші желілерге жолданады.
Бұл ретте Qoldau 24/7 мобильді қосымшасы, fms.kz ресми сайты немесе Telegram-дағы @SaqtandyrýBot сияқты Қордың баламалы байланыс арналары жұмысын бұрынғыдай жалғастырады. Оператордың жауабын күтіп, уақыт жоғалтқысы келмейтін азаматтар өз сұрақтарын сол арналарға жібере алады.
