Аудан прокуроры партия алаңында жеке қабылдау өткізді
Бүгін аудандық партия филиалының Қоғамдық қабылдау бөлмесінде Қазалы ауданының прокуроры Дарын Әбіш бекітілген кестеге сәйкес аудан тұрғындарын жеке мәселелерімен қабылдады.Жеке қабылдау барысында тұрғындар тарапынан алимент өндіру, аудандағы букмекерлік кеңселер мен ойын орталықтарын жабу және алаяқтық істер бойынша өтініштер айтылып, сондай-ақ жұмыспен қамту, әлеуметтік мәселелер тақырыбында сауалдар қойылды.
Қабылдау барысында айтылған өтініштермен толықтай танысқан аудан прокуроры шешілу жолдары аясында кеңестер беріп, түсіндірме жұмыстарын жасады. Сонымен қатар бірқатар өтініштерді өз бақылауына алып, алдағы уақытта тиісті жұмыс жасалатындығын жеткізді.
Айта кетейік, жеке қабылдауда шалғай орналасқан ауыл тұрғыны ZOOM бағдарламасымен байланысып, талап-тілектерін жеткізді.
