Партия алаңында қоғамдық қабылдау өтті
Бүгін аудандық мәдениет және спорт бөлімі басшысының орынбасары Орысбек Жәмшейітов «AMANAT» партиясы Қазалы аудандық филиалының Қоғамдық қабылдау бөлмесінде бекітілген кестеге сәйкес аудан тұрғындарын жеке мәселелерімен қабылдады.
Қабылдау барысында тұрғындар жұмыспен қамту тақырыбындағы мәселелерімен жүгінді. Бөлім басшысының орынбасары немересіне жұмыс іздеп жүгінген қартқа алдағы өтініші бақылауға алатындығын айтып, оң шешілуіне жұмыс жасайтындығын жеткізді. Мұнан соң жас маманның мәселесімен мұқият танысып, тиісті түсіндірме жұмыстарын жүргізді.
