Energyprom.kz порталының мәліметінше, өңірлер арасында Атырау облысында такси бағасы қымбаттаған. Өңірде қызмет құны 1 жыл ішінде 37,5 пайызға қымбаттап отыр. Одан кейінгі орындарда Жетісу (33 пайыз) мен Абай облыстары (31,2 пайыз) тұр.

Ал Ақмола облысында такси қызметі жыл ішінде не бәрі 0,5 пайызға көтерілсе, Қарағанды, Түркістан және Ұлытау облыстарында баға бір жыл бұрынғы деңгейде.

ТМД елдері арасында такси қызметі ең арзан елдердің ондығына Армения мен Өзбекстан (0,26 доллардан), Украина, Молдова және Ресей (0,27) кіреді.

Ал такси қызметі қымбат елдердің қатарында Қазақстан (0,44 доллар) мен Әзербайжан (0,59) бар.

Ең қымбат такси қызметі мына елдерде тіркелген: Швейцария (4,25 доллар), Кувейт (3,27) және Ямайка (3,26).

Өткен жылдың қаңтар-желтоқсанында елімізде такси қызметін көрсететін компаниялардың табысы құндық мәнде жыл ішінде 16 пайызға артып, 5 миллиард теңгеге дейін жетті. Ал такси қызметін 2,4 миллиард жолаушы қолданды. Бұл бір жыл бұрынғыдан 1,2 пайызға аз.