«AMANAT» партиясы бүгінде халықтың ұсыныстары мен талап-тілектерін жинақтау мақсатында партияластармен кездесу жиындарын өткізуде. Бүгін осы мақсатта аудандық партия филиалы «Қазалы локомотив жөндеу зауыты» бастауыш партия ұйымының мүшелерімен кездесу өтті.

Партия мүшелері басқосқан жиынға аудандық партия филиалының сектор меңгерушісі Жанат Кадирова қатысып, жиынның негізгі мақсатына тоқталып, сондай-ақ партия тарапынан жасалынып жатқан жұмыстар жайлы айтып берді.

Мұнан соң өз кезегінде жиынға қатысушы аманаттықтар сөз алып, пайыздық несиелерді төмендету, жастарды жұмыспен қамту, кәсіпорындар ашу сынды ұсыныс-пікірлерімен бөлісті.

#AMANAT