Еліміздің ең қарт әкімі - Даниал Ахметов. Шығыс Қазақстан облысын басқарады. Әкімнің жасы – 68,6 жас.

"Екінші және үшінші қатарға жаңадан құрылған Жетісу облысын басқарып отырған Бейбіт Исабаев (60,1 жас) пен Ақтөбе облысының әкімі Ералы Тоғжанов (59,7 жас) ие болды", - деп хабарлады Ranking.kz.

Ең жас облыс әкімі Мұрат Әйтенов (41,2 жаста) екені де айтылады. Республикалық маңызы бар Шымкент қаласын басқарады.

Ең жастардың қатарында Атырау облысының әкімі Серік Шәпкенов (43,5 жас) пен Павлодар облысының әкімі Асайн Байханов (44,1 жас) бар.

Еліміздегі ең жас әкімі Мұрат Әйтенов 38 жасында қызметке кірісті. Бұл әкімдердің қызметке кіріскен жасы бойынша да - ең жасы. Айтеновтің облыс басшысы лауазымындағы қызмет мерзімі - үш жыл.

"Атырау және Павлодар облыстарының әкімдері де қызметке кірісу кезінде ең жас әкімдердің қатарында болды: 42 және 44 жаста", - деп нақтылады зерттеушілер.

Шығыс Қазақстан облысын басқарып отырған Даниал Ахметов бұл қызметте 8,2 жыл (ең ұзақ мерзім) қызмет етті. Ол облыс әкімі қызметін 60 жасында алды.

Елорда әкімі Жеңіс Қасымбек пен Қарағанды облысының әкімі Ермағанбет Бөлекпаевтың қызмет ету мерзімі ең қысқасы. Екі әкім де жақында – 2022 жылдың 8 желтоқсанында, бір айдан сәл астам уақыт бұрын қызметіне кірісті.

2022 жылдың желтоқсан айында үздік ауыл әкімі анықталды. Ол - Түркістан облысы Шардара ауданы Жаушықұм ауылдық округінің әкімі Нұрбақыт Нұрсейітов. Екінші орынды Павлодар облысы Успен ауданы Новопокровский ауылдық округінің әкімі Вячеслав Симоненко, үшінші орынды Ақтөбе облысы Шалқар ауданы Айшуақ ауылдық округінің әкімі Оралбек Әбшанов иеленді.