Жастар жиналысын ауылдық жастар ұйымының төрағасы Талап Мурзалиев ашып жүргізді. Шараның мақсаты – 2023 жылы атқарылатын жастар саясатын жүзеге асыру бағытындағы жоспарын ауыл жастарына таныстыру. Жиын барысында 2023 жылы ауыл жастарымен бірлесіп өткізілетін іс-шаралар талқыланып ұсыныс-пікірлер тыңдалды.

"Жанкент жастары" ұйымының мүшесі Ұлықпан Айберген жастар арасында көкпар, аударыспақ тартатын қазандық жасау мәселесін ұсынса, Қару Азамат жастар арасында тир ату ойынына алаң салу ұсынысын білдірді. Сонымен қатар Құдайберген Алдаберген шағын бизнесті дамыту үшін жеңіл көлік жөндеу орталығын ашуға несие алу үшін ауыл әкімінен қолдау көрсетуді сұрады .

Ауыл әкімі жастар арасында мәселенің кезең - кезеңімен шешілетінін жеткізді. Ауылдық жастар ұйымының төрағасы  Талап Мурзалиев ауыл жастарын ауызбіршілікке шақырып, 2023 жылы атқарылатын жұмыстарға жастарды бірлесіп жұмыс жасауға шақырды. Ұйым мүшелері қолдайтындықтарын жеткізді.