Мен жастарға сенемін
Ақтан батыр ауылдық клубында "Мен жастарға сенемін" атты Мағжан Жұмабаевтың 130 жылдығына орай жастарға арналған концерт өткізілді. Концертті ауылдық округінің әкімі С.Өмірзақов сөз алып, ашып берді.– Құрметті Тәуелсіз елдің жастары! Еліміздің болашағы жастардың қолында, еліміздің арайлы таңының пердесін тек белсенді жастар ғана аша алады. Жастар - жердің, елдің иесі, қазақ елінің рухани тәуелсіздігінің биік тұғырысыздар. Әрбір жас жүрек өзінің туған отаны Қазақстанды жанындай сүйіп, танып өсуі қажет. Сонда ғана жас ұрпақ бойында патриоттық сезім ұялап, келешегіміз кемелдене түспек. Ауыл жастары Сіздерге зор денсаулық, ұзақ ғұмыр, отбасыларыңызға бақ-береке және шаңырақтарыңызға шаттық тілеймін, – деді ауыл әкімі.
Концерт барысында ауыл жастары өнер көрсетіп ән шырқады. Шарада ауылымыздың белсенді студенттері ауыл әкімінің "Алғыс" хаттарымен марапатталды.
Шарада өнерлі өрендер өнер көрсетіп, әннен шашу шашты. Ауылдың жас ақыны Ғұмыр - Ахметтің "Құралайым" әнінің тұсауы кесілді.
Ұ.ЕРБОЛҚЫЗЫ
