Жүз екі жастағы кейуана дауыс берді
Бұл күн әрбір қазақстандық үшін есте қаларлықтай айтулы күн екені рас. Себебі, Тәуелсіз еліміздің ертеңін ойлар әрбір азамат өзі қалаған партияға дауыс беріп, үлкен үміт артары сөзсіз.Бұл орайда қазалылықтардың да ауызбіршілігі мол, белсенділігі жоғары.
Елінің береке-бірлігін ойлайтын абыз-аналарымыз да сайлау науқанынан қалыс қалмады. Әйтеке би кентінде тұратын жүз екі жастағы кейуана Ілия Рысқұлованың үйіне учаскелік сайлау комиссиясының мүшелері сайлау жәшігін апарып, таңдау жасауына мүмкіндік туғызды.
Өз таңдауын жасаған ең қарт сайлаушыға №91 сайлау учаскесінің комиссия мүшесі Гүлнар Күзембаева, қазақы дәстүрге сай камзол кигізіп, жаулық жапты.
Айта кетейік Рысқұлова Ілия 1920 жылы туылған.
Тыл ардагері.
