Референдум – Жаңа Қазақстанды құрудың алғашқы қадамы
29-сәуір күні мемлекет президенті Қ.К.Тоқаев Қазақстан халқы Ассамблеясының «Ел бірлігі – жаңарған Қазақстанның тірегі» атты XXXI сессиясының жұмысында референдум өткізу туралы ұсынысын айтқан болатын. Кейін референдумды 5-маусым күнінде өткізу туралы Жарлыққа қол қойды. Бұл – Жаңа Қазақстанды құрудың алғашқы және табысты қадамы, тарихи маңызы бар оқиға. 27 жылдан кейін референдум өткізу мен үшін халықтың сөзі мен үніне құлақ түргендей жағымды жаңалық болды.Ата Заңымыздың үштен бір бөлігіне өзгертулер енгізіліп, халық соған дауыс беру құқығына ие болды. Бұл – жаңа заманның талабына сай дамуы мен халықтың хал-ахуалын жақсарту үшін жасалған оң әрі әділетті қадам. Аталмыш референдумның басты мақсаты саяси жүйені толықтай өзгертіп, азаматтық биліктің тұғырын қатайтатыны сөзсіз. Осы мақсатта арнаулы жұмысшы топ та құрылды. Оның құрамына белгілі құқықтанушы ғалымдар, саясаткерлер, тәжірибелі сарапшылар және құзырлы органдардың өкілдері кірген. Мен шынай өзгеріс болатынына сенемін. Және өз қатарластарымды, достарымды саяси науқаннан алшақ қалмауға, таңдау жасауға шақырамын.
Мейірман МЕҢДІБАЙ,
Е.Бозғұлов атындағы №249 мектеп-лицей мұғалімі
